Santiago hondartzan bainatzea baimendu du Eusko Jaurlaritzako Osasun Sailak. Ur laginei egindako azken analisiek erakutsi dute uraren kalitatea normaltasun egoerara itzuli dela. Hala, jaurlaritzako departamentuak berriro ere bainatzea baimendu du hondartza hartan.
Osasun Sailak herenegun, asteartean, debekatu zuen euskal kostaldeko hondartza askotan bainatzea, eta horien artean zen Zumaiako Santiago. Aldizka hartzen dituzte uraren laginak analisiak egiteko, eta aste hasieran hartutakoetan ondorioztatu zuten urak ez zituela ezarritako irizpide mikrobiologikoak betetzen. Horren ondorioz, bi egunetan bainatzea debekatu zuten Santiagon, asteartean eta asteazkenean, hain zuzen.