Uztailaren 13tik 24ra egingo dituzten musika udalekuen programazioaren inguruko xehetasunak zehazteko bilera deitu dute asteazkenerako. Komentuan egingo dute bilkura, 18:30ean hasita, eta udalekuetan parte hartuko duten haurren gurasoek deitu dituzte parte hartzera. Udalekuak zuzentzen dituen Landarbaso abesbatzako kideek dinamizatuko dute asteazkeneko bilera.
Landarbasoren eskutik, musika, dantza eta askotariko jolasak egiten dituzte txikienei zuzendutako udaleku hauetan.