Urteroko legez, Olarrusub elkarteak urpekaritza bataioak antolatu ditu aurten ere. Larunbatean egingo dute aurtengo ekintza, uztailaren 25ean, eguerdiko 12:00etatik aurrera Arranplan. Jarduera horretan parte hartuko dutenek, aire-botillak bizkarrean jarri eta urazpian aritzeko aukera izango dute, beti ere Olarrusubeko kideen gidaritzapean.
Antolatzaileek jakitera eman dutenez, jarduera 12 urtetik gorako lagunei zuzenduta dago, eta interesdunek aurrez izena eman beharko dute olarrusub@gmail.com posta elektronikoko helbidera izen-abizenak bidalita.