Zesta punta desafioa antolatu dute Azpeitian, saninazioen bueltan. Datorren larunbatean jokatuko dituzte partidak, Azpeitiko Izarraitz pilotalekuan, 19:00etatik aurrera, eta emakumeen eta gizonen partida banak osatuko dute jaialdia. Lehen partidan, emakumezkoetan, Frida Watkins zumaiarra kantxaratuko da.
Arratsaldeari hasiera emango dion partida izango da emakumeena, eta Winter Seriesen irabazle izan ziren Erika Mugartegi eta Frida Watkins batera arituko dira berriro ere. Aurkariak Elaia Gojenola eta Arai Lejardi bizkaitarrak izango dituzte. Partida haren amaieran, gizonen lehia helduko da: Erkiaga-Atain eta Goixerri-Lekerika bikoteak arituko dira nor edo nor. Jaialdirako sarrerak aurrez salgai daude Internet bidez, hemen.