Etxabe Dinastiako final laurdenetako partidak jokatuko dituzte aste honetan Aitzuri pilotalekuan. Gaur hirugarren jardunaldiko neurketak izango dira jokoan, eta ostegunean jokatuko dituzte laugarren jardunaldiari dagozkionak. Bietan ere pilota jaialdiak 21:00etan hasiko dira.
Gaurko jaialdian, jubeniletan, Paraguayo VII.a-Artetxe eta Oses-Olano izango dira aurrez aurre. Ondoren, elite mailan, Irribarria II.a-Balerdi eta Arribillaga-Santesteban lehiatuko dira. Irribarria II.ak pasa den astean zuen partida, baina eskuko mina dela eta ezin izan zuen jokatu. Gaurkoan hasiera batean iragarrita zegoen Gutierrezen ordez jokatuko du.