Zumaiako udal langileek bat egin dute ELA eta LAB sindikatuek biharko deitutako grebarekin, eta beraz, udalak ohartarazi du ezin izango duela udal zerbitzuen ohiko funtzionamendua bermatu.
Sindikatuen deialdia Arabako, Bizkaiko eta Gipuzkoako udal langile guztientzat izan da, eta bi eskari nagusitan oinarritu dituzte protestak: batetik, udal langileen lan baldintzak Madrilen ez erabakitzea, euskal administrazioan baizik; eta bestetik, Udalhitzeko hitzarmena eguneratzea –Udalhitz euskal toki erakundeetako langileen lan baldintzak arautzen dituen akordioa da–, lan baldintzak hobetzeko.