Jauzi Ekosoziala mugimenduaren Geltokika egitasmoa Zumaiara iritsiko da bihar. 11:30ean hasita, Lapurtu ziguten trena. Urolako trenaren borrokaren historia izeneko ibilaldi-solasaldia eskainiko du Inazio Galdona Urola Kostako trenaren langile ohiak. Egitasmoaz gozatu nahi duen orok Zumaiako tren geltokira gerturatu beharko da.
Ibilaldi-solasaldiak Urolako trenaren memoria historikoa eta haren itxieraren aurkako herri-borroka berreskuratzea izango du ardatz, gaur egungo garraio publiko jasangarriaren aldeko aldarrikapenekin lotuz. Zumarraga eta Zumaia lotzen zituen Urolako trena itxi zutenean protesta gogorra egin zuen Galdonak.