Musika izan da protagonista Komentuan Santa Zezilia egunaren bueltan

Julene Sorarrain

Musika eta Dantza Eskolakoek genero eta estilo ezberdinetako kantuak taularatu zituzten atzo arratsaldean, Komentuan eskainitako emanaldian. Bihar, larunbata, La Divina Comedia kontzertu sinfonikoa eskainiko du bandak, eta txistulariek kalejira egingo dute igandean.

Santa Zezilia egunaren aitzakian, Musika eta Dantza Eskolaren Xexili emanaldiak alaitu zuen Komentua atzo arratsaldean. Adin guztietako musikari eta dantzariak igo ziren oholtzara, genero eta estilo ezberdinetako kantuak abestu zituzten, bertaratu ziren herritarrekin batera.

Bihar, halaber, Zumaiako Udal Musika Bandak kontzertu berezia eskainiko du Torreateko auditorioan, 19:00etatik aurrera. Jose Mari Azkueren zuzendaritzapean, bandak La Divina Comedia taularatuko du, entzuleak fantasiaz, dramatismoz eta kontrastez beteriko ibilbide sinfonikora gonbidatuz. Bestalde, igandean, 11:00etatik aurrera, Txistularien Bandak herriko kaleak alaituko ditu kalejira batekin.

(Argazkiak: utzitakoak).

Gaurko ametsak biharko albiste izan daitezen, beharrezkoa dugu zure babesa.


Egin bazkide