Ontziratu taldearen lokalaren inaugurazioa ospatuko dugu ostiralean

Taldearen aurkezpena eginda, aurrera jarraitzen du 2017an herri galdeketa egiteko ekimenak. Oraingoan, abenduaren 2an, lokalaren inaugurazio ekitaldia ospatuko dugu, arratsaldeko zazpi t´erdietan. Aita Mari kalearen 10. zenbakian izango da, Ostolaza burdindegia zenean. Bertan janari eta edariez gain musika eta bertsolariak izango ditugu giro alaian herritarrei taldearen hurrengo ekimenen berri emateko.