Boxeo jardunaldia izan zuten larunbat arratsaldean Donostiako Atano III.a pilotalekuan. Guztira, maila handiko hamar borrokaldi ikusi ahal izan zituzten bertaratu zirenek.
Zumaia Cuban Boxing klubak bi boxeolari eraman zituen hitzordu hartara: Jesus Magnevy eta Iñaki Lope, hain zuzen. Magnevy 62 kiloko kategorian aritu zen, eta K.O. teknikoagatik irabazi zuen hirugarren roundean. Lehen roundean irabazteko zorian egon zen, baina hirugarrenerako borrokaldia moztu zuten epaileek, garaipena Magnevyri emanez.
Iñaki Lopek, bere aldetik, boxeo ona erakutsi zuen, baina ez zen nahikoa izan garaipena erdiesteko boxeoa ondo ezagutzen zuen aurkari baten aurrean. "Distantzia laburrean eta ertainean kolpe gehiago partekatzea falta zitzaigun", dio klubeko buru Ruben Arredondok. "Egindako akatsetatik ikastea eta hobetzen joatea geratzen zaigu", gaineratu zuen. Oro har, boxeolariek egindako lanarekin gustura da Arredondo.
Datorren astean, Bizkaiako Openean arituko dira Zumaiako boxeolariak. Estatu osotik gerturatutako boxeolariak izango dira lanean, eta horien arean Jared Chavarria, 63 kiloan, junio mailan, eta Jesus Magnevy, 60 kiloan, elite kategorian, igoko dira ringera.