Zumaia Cuban Boxing klubeko hiru boxeolari lehiatuko dira datorren larunbatean, martxoaren 7an, Arrasateko pilotalekuan egingo duten boxeo jaialdian. Borrokaldiak 18:00etan hasiko dira.
Lehian izango diren Zumaiako hiru boxeolariak Xare Duran (52 kilo, juniorra), Iñaki Lope (70 kilo, elite) eta Mikel Olaskoaga (72 kilo) izango dira. "Ringera igotzeko prest gaude, prestatze lan on bat egin eta gero", adierazi du klubeko buru eta entrenatzaile Ruben Arredondok.
Hurrengo hitzordua hilaren 15ean izango dute, Gipuzkoako txapelketarako kanporaketak, hain zuzen. Errenterian egingo dituzte borrokaldiak, Team Latigo klubaren gimnasioan. Zumaiatik, Iñaki Lope eta Jesus Magnevy (60 kilo) bertaratuko dira. Xare Duranek zuzenean Euskadiko lehiaketa jokatuko du, bere kategorian Gipuzkoan aurkaririk ez duelako.