Aizarnazabalen bizi den arren, Orion jaioa da Dolores Arruti. Ezkonberritan Iraetan jarri ziren bizitzen, eta gero Aizarnazabalen. Oriotik harako aldaketa handia izan zela aitortu arren, berehala bertakotu zela esan du, "oso ondo" hartu zutela. Kuadrilla ere segituan egin zuen, eta baita haiekin parranda bat baino gehiago bota ere. Horiek eta beste hamaika kontu izan ditu hizpide, Dabilen harriari saioaren aste honetako atalean.