KAE 1 liga amaitzeko estropada bakarraren faltan Zumaiak lau puntuko aldea ateratzen dio hirugarren dagoen Ondarroari. Istripu bat izan ezean, eta ikusita zer mailatan heldu diren Patxi Francesen mutilak denboraldi amaierara, esku-eskura du Zumaiak play offerako bigarren txartel hori. Igandean, erlojupean jokatuko den estropadan jakingo da.
Mutilak animatzera joateko autobusa jarriko du klubak. Autobuserako txartelak Idoia eta Trapaia tabernetan izango dira salgai. Bazkide eta haurrek 5 euro; gainerakoek, 10 euro.
