Honela dio oharrak:
Asteartean, hilak 17, Homofobiaren eta Transfobiaren aurkako nazioarteko eguna ospatuko da. Honen harira, aurten, Zumaiako udalak, Maria eta Jose eta Herri Eskolak, homosexualek, lesbianek, bisexualek eta transexualek jasaten duten diskriminazioa, bazterkeria eta jazarpenaren aurrean, beren babesa eta bateratasuna azaldu nahi dituzte. Hori dela eta, berdintasuna defendatzeko, bortizkeria eta bazterkeria salatzeko eta guztion eskubideak aldarrikatzeko, egun honen ospakizunera gehitu dira.
Jada 26 urte pasa dira, 1990eko maiatzaren 17an, Osasunaren Mundu Erakundearen Batzar Nagusiak (OME) homosexualitatea, gaixotasun mentalen zerrendatik atera zutenetik eta ordu ezkeroztik, egun hau LGTB (lesbiana, gay, transexual eta bisexual) fobiaren aurkako eguna bilakatu da. Egun honen ospakizunak helburu du pertsona guztien berdintasuna aldarrikatzea, edozein delarik beren sexu-joera eta identitatea.
Horiek horrela, Hezkidetza Foruak antolatutako ekimen honen bitartez, Zumaiako Udala, Maria eta Jose ikastetxea, ZumaiakoHerri Eskola, Zumaiako Institutua, Oikiako Eskola eta Soldadura zentroa LGTB mugimendura gehituko dira pertsona hauek jasotzen duten diskriminazioa eta bortizkeria salatzeko eta beren eskubideen aldeko babesa adierazteko. Ildo honetatik, ikastetxeetan, aniztasuna eta errespetua aintzat hartuta, lanketa berezi bat egingo da gaiaren inguruan.
Era berean, udaletik, berdintasunaren alde egiten duten apustua berretsi dute eta ezinbestekotzat jo dute, herrian, honen aldeko ekimenak sustatzea eta aurrera pausoak ematen jarraitzea, guztion artean, errespetuan eta berdintasunean oinarritutako Zumaia erakitzeko.
