Arica Bodyboard Culture izeneko proban, istripua izan du Urangak. WGS txapelketako lehen proba honetan, haitz batzuen kontra joan da, eta zauri batzuk egin ditu. Dirudienez, berehala atera dute uretatik, eta zuzenean, ospitalera eraman dute.
Surfer Today webgunean azaldu duenez, "beharrezko azterketak egin ondoren, dena ondo dagoela esan didate. Ez nuen horrelako istripurik espero. Orain ikusi egin behar noiz ahalko dudan itzuli uretara", adierazi du zumaiarrak.
