Ostiralean izango da ikusgai GUKA magazinaren denboraldi berriko hirugarren atala, 22:00etatik aurrera, Erlo Telebistan nahiz UKTren tokiko webguneetan; tartean Baleike.eus-en. Besteak beste, Imanol Aleson mendi korrikalari azkoitiarrari egindako elkarrizketa, Urrestillako Gabon eskeari buruzko erreportajea, Urrutira joan gabe atalean Orio inguruetan egindako ibilaldia nahiz Mikel Kazalis musikari zarauztarrari eta Orioko musikari Xabier Lizasori egindako Parean eta pareko elkarrizketaren aurrerapena izango dira ikusgai ostiraleko saioan, baita Zumaiako txakur kroseko antolatzaileei egindako elkarrizketa laburra ere.
Urola Kosta eskualdea osatzen duten txoko, istorio eta protagonistei ahotsa emateko helburuarekin sortu zuen Urolako Komunikazio Taldeak (UKT) GUKA magazina. Honako hau 2022ko urtarrileko atalaren aurrerapen bideoa da.
Ikusi GUKA magazinaren atal guztiak honako lotura honetan.