22. Korrika goizeko 3:00etan sartu da Zumaian, Narrondotik barrena. Gauez iritsi da herrira, baina zumaiarrek ez dute zalantzarik egin euskararen aldeko ekimenean parte hartu eta euskarari beren bultzada emateko.
Txomin Agirre kaiatik iritsi da Amaia plazara, eta han itzulia eman ondoren, Erriberatik Patxita Etxezarretara egin eta Getariarako bidea hartu du. Zumaiako elkarte eta eragileek kilometro ugari egin dituzte, eta eskuz esku eraman dute lekukoa, herritar andana atzean korrika zutela.
Korrikan parte hartu duten herritar batzuen adierazpenak bildu ditugu bideo honetan.
