GUKA magazineko denboraldiko laugarren atalean, Mireia Galarza kazetaria Goiuri Unanue moda diseinatzailearekin elkartu da Getarian, haren ibilbideaz hitz egiteko asmoz. GUKA herriarteko txapelketari dagokionez, Zestoan, Zarautzen, Orion eta Azpeitian izan da Galarza, bertako herritarrei galderak egiten.
Urrutira joan gabe atalean, Xabat Olaizola Zumaia inguruan ibili da Aitor Leiza naturzalearekin batera. Mailo Oiarzabal, berriz, Azpeitiko hainbat lagunekin elkartu da, sansebastianen inguruan sortu berri duten batzordeari buruz hitz egiteko. Amaitzeko, Juan Joxe eta Jon Unanue harrijasotzaile eta aita-semeekin elkartu da Andoni Elduaien, Zurak eta ezpalak ataleko laugarren saioan.