Arantzazu Aranetak hamar urte daramatza rallyetan parte hartzen eta askotariko lasterketetan lehiatzen Jokin Agirre bikotekidea ondoan duela. Gaur egun, kopilotua ez ezik, irakasle eta ama ere bada Araneta, baita Emakumeak Automobilismoan proiektuko kidea ere. Hastapenez, orain arteko bideaz, amatasunak sortu dizkion zalantzez eta emakumeen ikusgarritasuna sustatzeko martxan jarri duten proiektuaz aritu da hizketan Mireia Galarza kazetariarekin.