Jardueraz beteriko asteburua da honakoa Beduola elkartearentzat. Gaur, larunbata, itsasora nabigazio librea eta berritutako ontzien desfilea egin dituzte, eta zaharberritutako ontzi bat ere uretaratu dute, Santa Faustina. Hala, herriari erakutsi dizkiete elkarteko kideek berreskuratutako ontziak. Merenderoan bazkaria egin dute jarraian, eta arratsalde partean itzuliko dira handik.
Ondare kulturala berreskuratzeko ariketa ere egingo dute aurtengoan. Izan ere, bihar, igandearekin, garai bateko arrain salmentaren eszenifikazioa egingo dute.
Argazkiak: David Julia.
Honakoa da biharko egitaraua:
Bihar, igandea
10:30. Itsasora nabigazio librea, arranplatik.
13:00. Eszenifikazioa: batelak sardinekin sartu arranplaraino. Bertan hasita, kofradiaraino garai bateko arrain salmentaren eszenifikazioa.
13:30. Benta eta dantza.
14:00. Sardina jana Estalapean.
17:00. Batelak altxa eta agurra.
