Beduola elkartearentzat egun berezia izan zen atzokoa, Karmengo Amaren eguna. Izan ere, garai batean arrantzale zumaiarrek egingo luketen eran, sardina arranplatik sartu zuten, eta eguraldia lagun, herritar ugarik jarraitu zuten gertutik Marinelen Kofradiaraino egin zuten bidea.
Behin hara iritsita, bentan saldu zuten arraina, eta parrilan egin gero, herritarrei eskaintzeko. Sagardoarekin lagunduta dastatu zituzten bertaratutakoek sardinak, eta dantzan eman zioten amaiera ekitaldi bereziari.
