Telmo Deunen ETE ligako traineruak hirugarren postua lortu du Sestaon (Bizkaia). Bandera irabazi duen Zarautzek eta etxean aritu den Kaikuk soilik gainditu dute zumaiarren denbora.
Hori horrela, sailkapeneko bigarren postuan jarraitzen du Zumaiak, baina Kaikurengandik hiru puntura orain. Edonola ere, aldeak murrizteko beste aukera bat izango dute bihar; izan ere, bi estropadako asteburua dute hau. Hala, Astilleron (Kantabria, Espainia) ariko dira bihar 10:00etan hasita.
