Ezbehar larria gertatu da gaur gauean Orroaga inguruan; izan ere, pertsona bat hil da itsasontzi batek haitzen kontra jo eta irauli ondoren. Hiru lagun zihoazen barruan eta bi onik atera dituzte. Itsasertzera iristea lortu dute eta suhiltzaileek lagunduta atera dira, gero. Hirugarren pertsona, ordea, desagertu egin da eta bi orduz bila aritu ondoren hilda aurkitu dute. Segurtasun saileko informazio zerbitzuek zehaztu dutenez, suhiltzaileek atera dute gorpua, era berean, eta, orain, Donostiako Auzitegiko Anatomia Zerbitzura eramango dute autopsia egiteko.
Horrez gain, jakinarazi dute 21:15 aldera jaso dutela abisua eta berehala bertaratu dira larrialdi zerbitzuak, helikopteroak, hainbat erreskate ontzik, urpekariek eta suhiltzaileek hartu dute parte erreskate operazioan. 23:10ean aurkitu dute gorpua.
