Hilabete seinalatua da maiatza Zufiria-Rodriguez familian. Iker eta Irune senar emazteen semea, Julen, duela urtebete atera zen Bartzelonako Vall d'Hebron ospitaletik hezur-muineko transplante arrakastatsu baten ondoren. Ebakuntza hori egin behar izan zioten, urtebete lehenago, 2022ko maiatzean, Hurlerren sindromea edo MPS I gaixotasuna atzeman ziotelako. Hori guztia gutxi balitz bezala, MPSaren Nazioarteko Eguna ere maiatzean da, 15ean. Bada, gaixotasunaren nondik norakoak azaldu dizkio haren amak Baleikeri.