Pulpo Eskubaloia kluba sortu zutela 50 urte beteko dira aurten. Hori dela-eta, klubaren mende erdia ospatzeko ekitaldi sorta prestatu du zuzendaritzak ekainerako. Ospakizunak, baina, hilabete lehenago hasi zituzten, gizonezkoen lehen taldearen maila igoerarekin. Estatu mailako lehen mailan arituko da Pulpo datorren denboraldian, eta argi dute: "Bueltatu gara egon behar dugun tokira".
Hori guztia eta gehiago, ekaineko Zumaia Guka aldizkarian.
Bakideek etxean jasoko dute, eta gainerakoek, ohiko salmenta puntuetan eskuratu ahal izango dute: A3 inprimategian, Aizpurua liburu dendan, Mandalan, Agurtzane okindegian, Arkupe okindegian eta Ogi Berri Amaia plazan.