Marea biziek irudi ikusgarriak utzi dituzte azken egunotan Zumaian. Atzo, itsasgora bereziki altua izan zen arratsalde partean, eta errioa ubidetik atera zen herriko zenbait lekutan. Urak estalitako pasabidean ibiltzeko tentazioa ere izan zuten herritar batzuk.
Gaur, berriz, itsasbeherak erakarri ditu begiradak. Eguraldi ona lagun, bisitari, eskolako haur eta zumaiar andana elkartu da Itzurun hondartzan, itsasbeherak erantzitako paisaia ikusgarriaz gozatzeko.