Pasa den irailean abiatu zuen Zumaiako Udalak Zumaian euskararekin zer? prozesua. Ahize aholkularitza zerbitzuak gidatutako ekimen honen helburua datozen hamar urteetarako euskara plan berria osatzea da.
Lehenbizi, prozesuko lehen pauso bezala, galdetegia zabaldu zuten herri mailan. Udalak azaldu duenez, 280 herritarrek erantzun dituzte galderak. Gainera, hainbat herritarri banakako elkarrizketak ere egin dizkiete.
Behin galdetegiaren fasea bukatuta, prozesuaren bigarren urratsari ekingo diote. Hala, bost lan mahai osatuko dituzte datorren asteartean hasi eta azaroaren erdi aldera arte, "Zumaian euskararen egungo egoera eta etorkizuna aztertzeko". Urriaren 15ean, 10:00etan, hezkuntza eta familia arloa landuko dute; urriaren 17an, 18:30ean, kirola; hilaren 28an, 18:00etan, kultura; urriaren 30ean, 14:00etan, arlo sozioekonomikoa; eta, amaitzeko, azaroaren 12an, 18:00etan, Oikiako saioa egingo dut. Oikiakoa izan ezik, beste saio guztiak Alondegiko Oxford aretoan egingo dituzte.
Saioak herritar orori daude zabalik, baina interesdunek aurrez izena eman beharko dute, hemen.