Bat eginez eguna antolatu zuen Urola Kostako Ernaik atzo Zarautzen eta Zumaian, Hispanitatearen Egunean. "Estatu zapaltzaileen aurka egin", eta independentzia aldarrikatzeko baliatu zuten beste behin eguna.
Manifestazioa egin zuten goizean Zarautzen, eta eguerditik aurrera Zumaiako Torreberri gaztetxean jarraitu zuten jardunarekin; bazkarirako elkartu ziren lehendabizi, eta arratsaldean Pertz, Leherkaitz eta Hauek taldeek zuzeneko bana eskaini zuten han. Gauerdian, Huegun DJaren emanaldiak itxi zuen eguna. Herritar ugari bildu zen eguerdiko eta gaueko hitzorduetan.
(Argazkiak: Arhane Berriozabal)