Zumaiako boxeo klubak bi ordezkari izango ditu datorren ostiralean Soraluzen jokatuko duten Gipuzkoako boxeo txapelketan. Aurretik sailkatuta zegoen Mady Dimaeri (63,5 kiloko kategorian arituko da), Jesus Magnevyrena gehitu zaio.
Azken honek finalderditako borrokaldia izan zuen pasa den larunbatean Errenterian, Team Latigo klubaren gimnasioan. 60 kiloko kategorian aritu zen, baita borrokaldia irabazi ere. Hala, Soraluzeko hitzordurako txartela eskuratu zuen Magnevyk, eta Diamekin batera igoko da ringera, Zumaia Cuban Boxing kluba ordezkatzen.