Kontzertu berezia izango da gaur arratsaldean, non eta San Telmo ermitan. Miniboy taldeak estraineko kontzertua eskainiko du gaur, 20:00etan hasita, aipatutako ermitan.
Iñigo Garcia, Juan Luis Blanco eta Uhin Loiola zumaiarrek osatzen dute Miniboy. Hirurak ere Big Boy taldeko kideak dira, eta talde hura geldialdian dagoela baliatuz, Miniboy izeneko hirukotea sortu dute. Urteak daramatzate Ubillosen entseatzen, eta gaur emango dute lehen kontzertua. Bertan, abesti berriak edo entzun gabeak joko dituzte, baina baita Big Boyren abesti ezagunak ere, hirukotera moldatuta.