Denboraldi amaiera bikaina ari da egiten Maite Urteaga txirrindulari zumaiarra. Irailean Ardecheko Tourrean aritu zen, stagiaire gisa, Laboral Kutxa-Euskadi taldearekin, eta urriaren hasieran Europako txirrindularitza txapelketa jokatu zuen Espainiako selekzioan. Denboraldiaren hondarretan Andaluziako Itzulian aritu da Urteaga bere taldearekin, Zarauzko Eulen-Jira Bira taldearekin, eta hitzordu horretan ere bere onena emateko gai izan da.
Lau etapaz osatutako itzulia izan behar zuen, baina azkenean bakarrera mugatu zen. Etapako une garrantzitsuenean, onenekin geratu zen Urteaga, Laboral Kutxa-Euskadi eta Movistarreko txirrindulariekin, hain zuzen. Amaieran, zortzigarren postua eskuratu zuen Maite Urteagak, irabazle izan den Catrin Fergussonengandik 1:51 minutu eskasera.