Inauteriak iragartzeko kartel lehiaketa antolatu du beste urte batez Zumaiako Udalak. Epaimahaiaren erabakiaren berri eman du jada: Monica Rubio Ortegak irabazi du lehiaketa. Beste sari bat ere banatuko da, ordea, eta herritarrek erabakiko dute zer kartel saritu.
Bihar, osteguna, zabalduko dute aurten lehiaketara aurkeztutako lanak biltzen dituen erakusketa, eta martxoaren 16ra artean izango da ikusgai, Alondegiko sarreran. Bisitariek gogokoen dituzten lanen aldeko botoa emateko aukera izango dute. Boto gehien jasotzen dituen kartelak irabaziko du lehiaketako herritarren saria. Gertu merkatarien elkarteak emandako 50 euroko erosketa txartela izango da, herriko saltokietan erabiltzeko.