Pradales eta Ayuso banakako edo binakako lehiaketan, eta Lego taldekoan. Bi mozorro horiek izan dira aurtengo inauterietako onenak, Zumaia Guka webguneko erabiltzaileen arabera.
Azken urteotan gertatu bezala, argazki txokoa egin zuten Oxford aretoan, eta hara igo zirenei ateratako argazkiak Zumaia Guka webgunera igo zituzten, baita bozkatzeko aukera zabaldu ere. Astelehen arratsaldetik ostegun gauerdira egon da botoa emateko epea zabalik, eta aipatu bi mozorroek jaso dituzte boto gehien.
Banaka edo binakako lehiaketako irabazleek 80 euroko saria jasoko dute Gerturen erosketa txarteletan, eta 200 euroko saria taldekoan.