Distira Zumaiako argazki elkarteak antolatutako argazki lehiaketa sozialaren otsaileko irabazlea Agustin Aizpurua izan da. Xakearen bueltan atera behar izan dituzte irudiak honakoan, eta epaileen ustez berea izan da aurkeztutako lan onena. Bigarren saria Charo Hernandezek irabazi du, eta Fernando Martinek hirugarrengoa. Guztira, 23 lan aurkeztu dituzte hilabete horretako lehiaketara.
Elkarteko bazkideei zuzendutako lehiaketa da honakoa. Udazkenean ematen dituzte denboraldiko gaiak, eta parte hartzaileek epe jakin bat izaten dute argazkiak ateratzeko.