Gaur, Martxoak 8, Zumaiako plazak eta kaleak zapalkuntza sistemen kontrako aldarriekin betetzeko deia egin du Zumaiako Mugimendu Feministak. Beste mundu bat feminismotik leloarekin deitu duen Emakumeen Nazioarteko Eguneko mobilizazioa 12:30ean hasiko da, Beheko Plazatik. Aurretik, 10:00etan hasita, Zumaiako Mugimendu Feminista osatzen duten taldeek solasaldia eskainiko dute Oxford aretoan.
Itaia antolakundeak, berriz, Zarautzen antolatu duten manifestazioan parte hartzera deitu ditu zumaiarrak. 12:00etan hasiko dute mobilizazioa, Lege Zaharraren Enparantzan.