Ibilaldi musikatuak antolatu ditu Zumaiako Musika ea Dantza Eskolak udaberri hasierarako. Hala, aste honetarako hiru hitzordu programatu ditu, eta lehena atzo bertan egin zuten, Komentuaren lorategian. Bertan, musikarekin eta dantzarekin jolas egiteko parada izan zuten ikastetxe horretako ikasleek, baina baita haien gurasoek ere.
Ekimenak gaur eta etzi izango du jarraipena. Gaur, asteartea, 17:15ean hasita, musika tailerreko, Supertxikas taldeko, zeharkako flautaren, pianoko, euskal dantzen, trikitilarien eta txistularien entzunaldi laburrak izango dira. Etzi, ordea, ostegunean, 16:45ean hasita saxofoien eta erromeriaren txanda izango da.