Harriak programaren barruan antolatutako Harrapatu erakusketa ikus daiteke egunotan Alondegiko Oxford aretoan. Bertan, Andrea Berbois, Adrian Irisarri eta Angela Rodriguez sortzaileek ondutako lanak ikusi ahal izango dira igandera arte. Egunero izango da aretoa zabalik, 18:30etik 20:30era bitartean. Asteburuan, eguerditan ere zabalik izango da, 12:30etik 14:00etara bitartean, hain zuzen ere.
Proposamen artistiko horren barruan, etzi, ostirala, arratsalde partean, beste bi jarduera ere izango dira. 17:30ean hasita, Lerroa eta mugimendu soziala izeneko marrazketa lantegia eskainiko du Angela Rodriguezek; bi ordu geroago, 19:30ean, Andrea Berboisen kontzertua izango da. Bi jarduerak ere Oxford aretoan bertan emango dituzte.