Zuri-beltzezko Argazki Lehiaketaren 38. edizioaren nahiz San Pedro festetan antolatutako lehiaketaren sari banaketak egun bakarrean egingo ditu Distira elkarteak, ostiralean, hain zuzen ere. 19:00etan hasiko dute ekitaldia Oxford aretoan, eta ordu erdi lehenago irekiko dute zuri-beltzezko argazki lehiaketara aurkeztutako lanekin ondutako erakusketa.
Zumaiako argazkilarien elkarteak iragarri zituen aipatu bi lehiaketetako irabazleak. Zuri-beltzezko irudien lehiaketa Duong Ky Hung Vietnamgo argazkilariak irabazi du Shadow runners izeneko lanarekin, eta sanpedroetakoa, berriz, Ivan Rodriguezek, Generaciones argazkiarekin.
Sari banaketa ekitaldia hasi baino ordu erdi lehenago, 18:30ean, irekiko dute Zuri-beltzezko Argazki Lehiaketaren 38. ediziora aurkeztutako lanekin osatutako erakusketa, Oxforden. Argazkiak hilaren 27ra arte egongo dira ikusgai, egunero, 18:30etik 20:30era.