Irteera berezia egin zuten atzo, osteguna, Otezuri zentroko zenbait egoiliarrek. Diego Alvarez eta Ibon Amutxastegi Realeko jokalari ohiek lagunduta, Anoeta estadioa barrutik ezagutu zuten, eta taldeko argazkia egin zuten zelaian.
LaLiga fundazioak eta Futbolari Beteranoen Espainiako Federazioak elkarlanean antolatutako Oroipen tailerra ekimenari esker, Realeko jokalarien bisitak jaso dituzte. Hilaren hasieran txuriurdinekin bi liga irabazi zituzten Alberto Gorriz eta Diego Alvarez izan ziren egoitzan, eta pasa den azaroan, berriz, Alberto Bixio Gorriz eta Mikel Loinaz.