GUKA magazineko denboraldiko bigarren atalean, Mireia Galarza kazetaria Amaia Lasa idazlearekin elkartu da Getarian, haren ibilbideaz hitz egiteko asmoz. GUKA herriarteko txapelketari dagokionez, Zestoan, Zarautzen, Orion eta Azkoitian izan da Galarza, bertako herritarrei galderak egiten.
Urrutira joan gabe atalean, Xabat Olaizola Zarautz inguruan ibili da Mikel Lopetegi Urra harrijasotzailearekin batera. Maialen Etxaniz kazetariak, aldiz, Saioa Garmendia elkarrizketatu du, eta heriotzaz, zaintzaz eta emozioez aritu dira. Amaitzeko, Mari Karmen Borda, Alaitz Olaizola eta Amets Cañizares antzerkizaleekin elkartu da Andoni Elduaien, Zurak eta ezpalak ataleko bigarren atalean.