Europako Geoparkeen Asteko egitarauaren barruan aurkeztu zuten pasa den astean Deban (Gipuzkoa) Biodibertsitateari buruzko apunteak liburua. Euskal Kostaldeko Geoparkea osatzen duten hiru herrietako biodibertsitateari buruzko entziklopedia edo gida baino, "lurralde txiki honetako espezieekin eta tokiekin izandako topaketei buruzko kontakizun pertsonala" ondu dute Alberto Luengo biologoak eta Ander Hormazuri artista zumaiarrak. Liburua salgai dago Debako, Mutrikuko (Gipuzkoa) eta Zumaiako turismo bulegoetan, 30 euroan.