Festarako aitzakia bikaina izan zuten atzoko egunez Zumaian ibili zirenek, Olagarro Eguna ospatu baitzuten han. Lana erruz egin zuten goizean goizetik txosnetan brotxetak saltzen jardun zutenek, eta ehunka herritar zein bisitari izan ziren jaki preziatua dastatzeko ilara luzeak egin zituztenak. Horrez gainera, kuadrillen arteko batel estropada eta jolasak izan zituzten goizean herrian, baita txistularien zein trikitilarien kalejirak ere.