Ekitaldi berezia izango da bihar, irakurketa sustatzea helburu duen Irakurtzen duten zumaiarrak arriskutsuak dira egitasmoaren barruan. 19:00etan hasita, poesia irakurketa egingo du Sara Uribe-Etxeberria Atxurra herritarrak Alondegian, udal liburutegiko ganbaran. Kuntzak eta kerak izeneko liburuko poema sorta irakurriko du poeta zumaiarrak biharko ekitaldian.
Uribe-Etxeberriak Donostia Kultura VIII. Poesia Saria irabazi du aurten, justu, izen bereko poema bildumarekin, eta liburu forman argitaratu zuten pasa den ekainean.
