Erabilgarri da jada Itzurunbidea eta Larretxo auzunea lotzen dituen igogailua. Atzo goizean jarri zuten martxan, eta Iñaki Ostolaza alkateak eta Argi Yeregi Hirigintza zinegotziak bizilagunekin batera estreinatu zuten igogailua. Inguruan egiten ari diren birmoldaketa batzuk amaitzearen faltan, igogailua martxan da jada.
Gukari emandako adierazpenetan, Yeregik azaldu zuen 122 etxebizitzari irisgarritasuna ematen diela igogailuak. Pakita Mendiola bizilagunaren hitzetan, "gogotsu" ziren irekierarako.
