Eguraldia ez zen atzo nahi bezalakoa izan Zumaian. Izan ere, euria goian eta behean egin zuen egunean zehar, nahiz eta aterruneak izan ziren. Irudimenez eta ilusioz egin zioten zumaiarrek aurre eguraldi zakarrari, eta adin guztietako herritarrek hartu zituzten kaleak atzo arratsaldean.
Gaztetxoenek, adibidez, Komentuko kaperan egin inauterietako mozorroen festa, eta ume asko izan ziren bertan dantzan. Beste batzuk, berriz, adorez irten ziren kalera, azken hilabeteotan prestatutako proposamenak erakustera. Besteak beste, kalean ibili ziren lorategi bateko loreak, Karibeko piratak, xake taulako piezak edota danbor talde bat.