Urte batzuetatik hona argazki txokoa egin da Alondegian, inauterietako egitarauaren barruan. Han ateratako argazkiak Zumaia Gukara igo izan dira, eta azken urteotan webgunean boto gehien jaso dituztenek eraman dituzte inauterietako mozorro onenen sariak.
Aurtengo jaietan, Ayuso eta Pradalesek jaso dute banaka edo binakako mozorro onenaren saria, eta Legok taldekakoa. Mozorroen atzean ezkutatutako herritarrek atzo jaso zituzten sariak, Gertu markatarien eta ostalarien elkarteak emandako erosketa bonoak, hain zuzen.