Berrehun lagun baino gehiago aritu ziren atzo dantzan Zumaiako Lubaki kiroldegian, Arroabeko zumba taldeak antolatutako Zumba beraiengatik jaialdi solidarioan. Antolatzaileek adierazi zutenez, ekitaldiak aurreikuspen guztiak gainditu zituen.
Arroabeko familia baten egoerak hauspotuta antolatu zuten gaurko ekitaldia. Zehazki, Naiara Lizarralderen bi urteko alabari zelula argien giltzurrunetako sarkoma diagnostikoatu zioten, eta haren zumbako kideek izan zuten jaialdi solidarioa egiteko ideia. Antolatzaileekin batera, jaialdia dinamizatu zuten Johnson, Berto, Darvin eta Tavo zumba irakaslek eta Jon Urbieta DJak. Guka antolatzaileetako batekin eta Lizarralderekin izan zen. Hemen ikus daiteke atzoko argazki galeria.