Orioko Arraunetxen eman dituzte azalpenak Martin Aramendi UEMAko lehendakariak eta Anuska Esnal Orioko alkateak, baita konpromiso zehatzak hartu dituzten eragile bitako ordezkariek ere. Bihartik aurrera, egitasmoa UEMA osatzen duten udalerri guztietara zabalduko dute. 

Azpeitiko Zaharrak Berri eta Zarauzko Allepunta taldeak ariko dira nor baino nor final laurdenetako saioan. Zapatuan izango da hitzordua Sanagustin kulturgunean, 18:00etan hasita. Saioa irabazten duen taldeak finalerdietarako txartela eskuratuko du; maiatzaren 9an izango da, Deba Goieneko taldeetako baten kontra, Oñatin. Finala Aian izango da, maiatzaren 30ean.