Hondartza denboraldia larunbatean hasiko da Getarian eta Zumaian, eta irailaren 13ra arte iraungo du; Orion, berriz, datorren astelehenetik irailaren 15era luzatuko da; eta Zarautzen, denboraldia ekainaren 1ean hasi zen, eta irailaren 15era arte iraungo du. Jasangarritasun Sailak bideratutako 1,7 milioi euroko laguntza jasoko dute Gipuzkoako kostaldeko udalerriek, udan hondartzen kudeaketa integrala egiten laguntzeko. Halaber, garbiketa eta irisgarritasun zerbitzuak, denbora errealeko informazioa eta sentsibilizazio jarduerak izango dira aurtengo denboraldian.

Talde ezberdinetan aritutako Urola Kostako bost musikarik osatzen dute MIN taldea. Martxoan kaleratu zuen taldeak bere lehen lana, eta orain, disko horretako 'Denbora kapsulan' izeneko abestiaren bideoklipa aurkeztu dute.