Auzoko irisgarritasuna erraztu eta herritarren mugikortasuna bermatu nahi du udalak Larretxo auzoan, eta bigarren igogailu bat egingo du datozen hilabeteetan. Hiru geldiune izango ditu: Itzurunbidea pasealekua, erdialdeko belargunea eta Larretxoko goialdeko pasabidea.

Zumaia bizitegi merkatu tentsionatutako eremu bezala deklaratzeko prozedurari hasiera eman diote aste honetan, horren inguruko agindua Gipuzkoako Aldizkari Ofizialean argitaratuz. Tentsiopeko eremu izendatzeak alokairuko errenta ordaintzera bideratzen den kopuruan eragin zuzena izango luke.